Gara për ta rrëzuar presidentin rus Vladimir Putin dhe për ta marrë kurorën e Kremlinit është duke u zhvilluar, thotë analisti rus i luftës dhe një ish-besnik, Igor Strelkov.
Ish-koloneli i FSB-s tha se lufta për ‘Olimpin politik’ ka filluar tashmë mes atyre që rrethojnë presidentin rus, transmeton Telegrafi.
Strelkov – i cili ishte rol kyç për aneksimin e Krimesë në 2014 – tani është një kritik i vendosur i strategjisë së luftës së Kremlinit në Ukrainë.
Një mobilizim masiv i menjëhershëm i gjysmë milioni burrave më shumë është mënyra e vetme që presidenti rus të shmangë humbjen dhe poshtërimin në luftën në Ukrainë, pretendon ai.
Ai pretendoi se miku i Putinit, Yevgeny Prigozhin, kreu i ushtrisë private Wagner, tashmë po shkon kokë më kokë me aleatët e ministrit të mbrojtjes Sergei Shoigu.
Igor Strelkov, deklaroi më herët se Putini po e çon Rusinë drejt revolucionit, duke bërë të njëjtat gabime ushtarake katastrofike siç bëri Rusia në vitin 1917.
Ai tha se ushtria e Putinit është në pikën pa kthim ku ai humbet nëse sulmon dhe nëse tërhiqet. /Telegrafi/