Seriali i famshëm “Game of Thrones” ka bërë për vete mijëra shikues anë e kënd botës.
Për këtë serial dhe aktorët që luajnë në të mediat shkruajnë dhe shprehin interesim çdo ditë.
Së fundmi “Game of Thrones” është përfolur për një ngjashmëri me filmin e famshëm të “Shrek”, nga ku lindin edhe dyshimet për një frymëzim të mundshëm të regjisorëve nga ky film.
Disa nga skenat e ngjashme kanë ngjallur debate edhe te fansat, të cilët kanë filluar të diskutojnë në rrjetet sociale.
Ata janë të zënë duke debatuar për një skenë nga episodi i fundit i” Game of Thrones”, Eastwatch.
Sipas tyre, kjo skenë është kopjuar nga filmi i animuar.
The Pixel Factor ka publikuar së fundmi disa imazhe, nga ku ka shfaqur ngjashmëritë mes skenave ku Jon Snow takohet nga afër me njërin prej dragonjve të Daenerys Targaryen, e cila ngjason me atë ku gomari i Shrekut takon Dragon, gruan e tij të ardhshme në filmin “Shrek”. /Telegrafi/
