Futbollistët brazilianë të Shakhtarit dhe Dynamos mblidhen së bashku me familjet e tyre dhe me një video emocionuese kërkojnë ndihmë nga Brazili

Ukraina ndodhet në luftë dhe kjo luftë ka prekur edhe futbollin dhe futbollistët, sidomos ata të huajt që ndodhen në këtë shtet.

Skuadra ukrainase Shakhtar Donetsk njihet si skuadër e brazilianëve, pasi gjithmonë në këtë ekip ka pasur lojtarë të shumtë brazilianë.

Federata e Futbollit të Ukrainës ka pezulluar zyrtarisht kampionatin deri sa të qetësohet situata, pasi aktualisht Ukraina është e pushtuar nga rusët.

Lexo po ashtu Qyteti u pushtua nga forcat ruse, vjen reagimi zyrtar i gjigantit ukrainas Shakhtar Donetsk

Duke parë gjendjen e jashtëzakonshme që është duke ndodhur në Ukrainë, futbollistët brazilianë të Shakhtar Donetsk dhe Dynamo Kiev janë mbledhur dhe po qëndrojnë së bashku në një hotel në kryeqytetin ukrainas Kiev.

Ata së bashku me familjet e tyre kanë bërë një video dhe e kanë publikuar nëpërmjet gazetarit brazilian Arthur Quezada.

“Situata është dëshpëruese. Unë ju kërkoj ta publikoni këtë video që të arrijë tek qeveria braziliane”, thotë Junior Moraes.

“Kufijtë janë mbyllur, bankat gjithashtu, nuk ka as karburant, do të ketë mungesë ushqimi, nuk ka para. Jemi mbledhur duke pritur për një plan që të na largojë nga Ukraina”, ka thënë Moras.

Tutje ai ka deklaruar se situata në Ukrainë është serioze dhe se i ka bërë thirrje që të luten për ta.

“Të gjithë miqtë edhe familjarët duam t’i njoftojmë, situata është serioze dhe ne jemi bllokuar një Kiev për të pritur një zgjidhje sa më parë që të dalim. Lutuni për ne”, ka deklruar Moras.

Tek Shakhtar Donetskt janë 12 futbollistë brazilian ku David Neres iu bashkua së fundmi nga Ajaxi, derisa tjerët janë Dodo, Vitao, Marlon, Ismaily, Vinicius Tobias, Maycon, Marcos Antonio, Tete, Alan Patrick, Pedrinho dhe Fernando. Në videon e publikuar ndodhet edhe sulmuesi i Dynamo Kyiv, Vitinho. /Telegrafi/