Tashmë xhudistet tona janë kthyer në vendlindje me tri medalje të fituar nga Lojërat Evropiane.
Një të artë, një të argjendtë dhe një të bronztë ishte bilanci i sportistëve tanë në garat e mbajtura në Minsk të Bjellorusisë.
Majlinda Kelmendi ka fituar medaljen e artë në kategorinë deri 52 kilogramë duke u shpallur njëkohësisht edhe kampione e kontinentit të Evropës.
Nora Gjakova nuk ka arritur vendin e parë, pasi që ka humbur në finale dhe në këtë formë ka fituar medaljen e argjendtë në kategorinë deri në 57 kilogramë.
Pozita e tretë i ka takuar Loriana Kukës, e cila pas repechange ka fituar të drejtën t’i takojë medalja e bronztë në kategorinë deri në 57 kilogramë.
Ndryshe, ky ishte edicioni i dytë i Lojërave Evropiane ku marrin pjesë sportistat më eminent evropian. /Telegrafi/
