Capital T i ka sfiduar temperaturat e ftohta për të paralajmëruar projektin e ri muzikor.
Përkundër motit të ftohtë në Luzern të Zvicrës, ai e ka publikuar një video nga pishina dhe ka treguar se të dielën do ta sjellë këngë “Infinit”.
“A jeni gati për ‘Infinit’? Nesër (e diel) ora 17:17”, ka shkruar Kapo në përshkrimin e videos së publikuar në Instagram.
Kënga “Infinit” është pjesë e mixtape “Winter is Here” që u lansua në tetor dhe përmban 15 këngë.
Ai e ka publikuar edhe disa fotografi, në të cilat shfaqet brenda në pishinë.
“Erdha, pashë, fitova”, është përshkrimi i njërës prej fotografive i shkruar në latinisht, duke iu referuar thënies së famshme të Jul Cezarit.
“Yoko Ono” është kënga që reperi e solli para më shumë se një jave (11 janar) në bashkëpunim me Granit Dërgutin.
Edhe kjo këngë që u publikua me videoklip është pjesë e mixtape “Winter is Here”. /Telegrafi/
