Gjatë ditës së martë është konfirmuar transferimi i Fredit nga Shakhtar Donetsku te Manchester Unitedi për 59.5 milionë euro.
Mesfushori brazilian është vetëm një prej yjeve të shumta që janë larguar nga klubi ukrainas në vitet e fundit.
Me këtë rast jua sjellim një formacion fantastik lojtarësh në rast se Shakhtari do t’i mbante disa prej lojtarëve që janë larguar.
Portier: Andriy Pyatov
Ai vazhdon t’i qëndrojë besnik skuadrës ku luan që nga viti 2007.
Mbrojtës
Darijo Srna
Ka qenë pjesë e Shakhtarit nga viti 2003 deri në vitin 2018.
Dmytro Chygrynskiy
Ka qenë pjesë e klubit ukrainas nga viti 2010 deri në vitin 2015.
Ivan Ordets
Mbrojtësi ukrainas është huazuar disa herë te Illichivets Mariupol.
Ismaily
Mbrojtësi i majtë brazilian luan te klubi ukrainas nga viti 2013.
Mesfushorë
Fred
Ditë më parë mesfushori iu bashkua Manchester Unitedit.
Fernandinho
Mbrojtësi defensiv është larguar nga Shakhtari në vitin 2013 duke iu bashkuar Manchester Cityt.
Willian
Anësori fantastik u largua nga klubi ukrainas në vitin 2013, ndërsa aktualisht luan te Chelsea.
Henrikh Mkhitaryan
Mesfushori i Arsenalit dikur luante te Shakhtar Donetsku (2010–2013), nga ku u transferua te Borussia Dortmundi, pastaj Manchester Unitedi dhe në fund te Topçinjtë.
Douglas Costa
Anësori mbresëlënës që tash bart fanellën e Juventusit, luante në Ukrainë në vitet 2010–2015. Më pas u transferua te Bayern Munichu dhe pastaj te Zonja e Vjetër.
Sulmues: Alex Teixeira
Futbollisti ofensiv ishte pjesë e Shakhtarit gjatë viteve 2010–2016 dhe më pas e vazhdoi karrierën në Kinë (Jiangsu Suning). /Telegrafi/