Erik ten Hag është nën presion në rritje te Manchester United pas fillimit të tyre nën nivel në sezonin 2023/24 dhe mund të shkarkohet brenda këtij sezoni.
Gjatë afatit kalimtar të verës, United isolli lojtarë si Mason Mount, Andre Onana, Rasmus Hojlund, Sergio Reguilon dhe Sofyan Amrabat.
Megjithatë, pavarësisht parave të mëdha të shpenzuara, djelmoshat e Ten Hag deri më tani nuk kanë arritur t’i përmbushin pritshmëritë.
Aktualisht, Djajtë e Kuq janë në vendin e gjashtë në tabelën e Ligës Premier dhe sezoni i tyre në Ligën e Kampionëve përfundoi të martën mbrëma.
Me presionin në rritje mbi Ten Hag mes spekulimeve se francezi Zinedine Zidane është duke u rreshtuar për të zëvendësuar holandezin.
Zidane ka mbetur pa punë që kur u largua nga Real Madrid në vitin 2021. Gjatë kohës së tij me Los Blancos, francezi i udhëhoqi ata drejt tre titujve të Ligës së Kampionëve radhazi.
Nëse Zidane do të marrë drejtimin nga Ten Hag në të ardhmen e afërt, ai mund të mos jetë në gjendje të sjellë lojtarë menjëherë dhe do të duhet të bëjë më të mirën nga skuadra aktuale.
Megjithatë, një ndryshim i menaxherit mund t’u japë disa lojtarëve një shans për të rindezur karrierën e tyre në United. Kjo është mënyra se si United mund të rreshtohet me Zidanen në krye.
Portieri – Andre Onana
Onana ka pasur një fillim të vështirë të jetës në United, por do të ruajë vendin e tij si portieri i parë i klubit. Megjithatë, në afatet e ardhshme të transferimeve, Zidane mund të zgjedhë të sjellë dikë tjetër.
Mbrojtja – Aaron Wan Bissaka, Raphael Varane, Lisandro Martinez, Luke Shaw
Këtë sezon, Varane ka humbur vendin e titullarit pasi janë përzgjedhur lojtarë si Harry Maguire, Jonny Evans dhe Victor Lindelof përpara francezit.
Megjithatë, Varane luajti një rol të madh në suksesin e Real Madridit nën drejtimin e Zidane dhe mund t’i jepet një rikthim në ekipin e Unitedit.
Mesfusha – Mason Mount, Casemiro, Bruno Fernandes
Forma e Casemiros është vënë nën mikroskop këtë sezon, por ngjashëm me Varanen, braziliani ishte një pjesë integrale e ekipit madrilen të Zidanes dhe francezi mund të sillte më të mirën serish nga mesfushori.
Sulmi – Jadon Sancho, Rasmus Hojlund, Marcus Rashford
Një ndryshim i menaxherit mund të jetë pikërisht ajo që Sancho duhet për të rindezur karrierën e tij në United pas grindjes së tij publike me Ten Hag.
Menaxheri i ri plus një mënyrë e re loje mund të rikthejë në shfaqje formën e Sanchos, Borussia Dortmund. /Telegrafi/
