Superliga e Arabisë Saudite është bërë destinacioni më i madh i yjeve të Evropës, ku shumë nga ta kanë përfunduar transferimin gjatë këtij viti.
Transferimi i Ronaldos në afatin kalimtar të dimrit te Al Nassr ka pasur efekt të madh, pasi ka tërhequr shumë yje.
Pas yllit portugez, në Superligën e Arabisë janë transferuar edhe emra si N’Golo Kante, Roberto Firmino dhe Karim Benzema.
Megjithatë, këta nuk janë të gjithët pasi kampionati elitar saudit është mbushur me yje nga Evropë dhe shumë tjerë pritet të vijnë deri në mbylljen e afatit kalimtar.
Por, cili është formacioni më i mirë deri tani i mbushur me yje nga Superliga e Arabisë Saudite?
Mediumi britanik The Sun ka publikuar një formacion të frikshëm yjesh që kanë bërë karrierë shumëvjeçare në Evropë dhe tani luajnë në Superligën e Arabisë.
Përveç emrave të përfolur si Ronaldo, Kante, Firmino dhe Benzema, pjesë e formacionit janë edhe Edouart Mendy, Kalidou Koulibaly, Ahmed Hegazi, Fabinho Ruben Neves, Sergej Milinkovic-Savic dhe Allan Saint-Maxim.
Megjithatë, në këtë formacion mungojnë yje tjera të mëdha si Marcelo Brozovic, por edhe Riyad Mahrez dhe Jordan Henderson që pritet të zyrarizohen së shpejti.
Mendy; Koulibaly, Hegazi, Fabinho; Kante, Neves; Firmino, Milinkovic-Savic, Saint-Maxim; Benzema, Ronaldo
/Telegrafi/