Të gjithë mezi janë duke pritur fillimin e Kampionatit Botëror ‘Rusia 2018’.
Por, edhe ky Botëror do të fillojë me shumë befasi.
Kjo pasi shumë trajnerë kanë lënë jashtë disa nga lojtarët më të mirë në futbollin evropian.
Leroy Sane ishte befasia e fundit, ai nuk është përfshirë nga Joachim Low në listën e 23 lojtarëve.
Me këtë rast BT Sport ka publikuar formacionin më të mirë me lojtarët që nuk do të marrin pjesë në ‘Rusia 2018’.
Në portë është Joe Hart, ndërsa mbrojta është e ndërtuar nga Hector Bellerin, Chris Smalling, David Luiz dhe Marcos Alonso.
Në mesfushë Dimitri Payet (edhe për shkak të lëndimit), Radja Naingolan dhe Mario Gotze.
Faza sulmuese duket thjesht fantastike, Mauro Icardi në qendër, kurse anash dyshja Anthony Martial dhe Leroy Sane. /Telegrafi/