Milani dhe Interi zhvillojnë ndeshjen çerekfinale të Kupës së Italisë, ndërsa dueli mes tyre njihet si Derby della Madonnina.
Për t’u kualifikuar në çerekfinale, Rossonerët eliminuan Hellas Veronan (3-0), ndërsa Nerazzurrët eliminuan pas penalltive ekipin nga liga e tretë, Pordenone.
Milani ka pasur probleme këtë edicion në Serie A, prandaj e ndërroi edhe trajnerin duke e angazhuar Gennaro Gattuson.
Interi është duke iu besuar taktikave të Luciano Spallettit, mirëpo pas barazimit ndaj Juventusit, i pësoi dy humbje radhazi.
Të dy trajnerët e kanë konsideruar si të rëndësishëm këtë takim duke qenë se është një derbi i dy skuadrave rivale nga Milano.
Formacioni zyrtar i Milanit: Antonio Donnarumma; Abate, Bonucci, Romagnoli, Rodriguez; Kessie, Biglia, Locatelli; Suso, Kalinic, Bonaventura.
Formacioni zyrtar i Interit: Handanovic, Joao Cancelo, Skriniar, Ranocchia, Nagatomo, Vecino, Gagliardini, Candreva, J. Mario, Perisic, Icardi.
/Telegrafi/