Juventusi është nikoqir i Real Madridit për ndeshjen e parë çerekfinale të Ligës së Kampionëve.
Dy rivalët e mëdhenj evropianë e njohin mirë njëri-tjetrin, duke qenë se janë takuar disa herë në të kaluarën.
Përballja e tyre më e fundit ishte pikërisht në finalen e Ligës së Kampionëve në edicionin e kaluar, të cilin Los Blancos e fituan me rezultat 4-1.
Prandaj takimi në Torino është përmendur si një mundësi hakmarrjeje nga Zonja e Vjetër.
Qëllimi i Bianconerëve do të jetë ta fitojnë takimin pa pranuar gol ose me diferencë sa më të lartë.
Ndërkohë që, Mbretërit do të përpiqen ta ndëshkojnë kundërshtarin me gola, në mënyrë që t’i kenë gjërat më të lehta për ndeshjen e kthimit.
Ky takim do të shënojë edhe një përballje taktikash ndërmjet dy trajnerëve, Massimiliano Allegri dhe Zinedine Zidane.
Formacioni zyrtar i Juventusit: Buffon; De Sciglio, Barzagli, Chiellini, Asamoah; Douglas Costa, Khedira, Bentancur, Alex Sandro; Dybala, Higuain.
Banka rezervë e Juventusit: Szczesny, Rugani, Lichtsteiner, Matuidi, Marchisio, Cuadrado, Mandzukic.
Formacioni zyrtar i Real Madridit: Navas; Carvajal, Ramos, Varane, Marcelo; Kroos, Casemiro, Modric; Isco; Cristiano Ronaldo, Benzema.
Banka rezervë e Real Madridit: K Casilla, Vallejo, Bale, Theo Hernandez, Lucas Vazquez, Asensio, Kovacic.
Ndeshja kthyese zhvillohet pas një jave (11 prill) në Santiago Bernabeu. /Telegrafi/