Juventusi është nikoqir i Atalantas në ndeshjen e parafundit sezonale të këtij edicioni në kampionatin italian të futbollit.
Zonja e Vjetër ka kohë që është shpallur kampion dhe nuk ka ndonjë motivim për këtë sfidë, ndërkohë që për kundërshtarin është ndeshje shumë e rëndësishme.
Atalanta është në vend të katërt në tabelë dhe duhet të nxjerrë rezultat pozitiv, në mënyrë që të shpresojë për kualifikim në Ligën e Kampionëve.
Trajnerët Massimiliano Allegri dhe Gian Piero Gasperini i kanë gati skuadrat e tyre për këtë takim. Për më shumë, kjo do të jetë ndeshja e fundit për Allegrin para tifozëve në ‘Juventus Stadium’, pasi në sezonin e ardhshëm nuk do t’i drejtojë bardhezinjtë.
Formacioni startues i Juventusit:Szczesny; Cancelo, Barzagli, Bonucci, Alex Sandro; Emre Can, Pjanic, Matuidi; Cuadrado, Dybala, Ronaldo.
Formacioni startues i Atalantas: Gollini; Hateboer, Djimsiti, Masiello; Gosens, De Roon, Freuler, Castagne; Gomez; Ilicic, Duvan Zapata.
/Telegrafi/