Forcat ukrainase shkatërrojnë postbllokun rus pranë Kievit, duke përdorur dronin e avancuar turk Bayraktar

Forcat Ajrore të Ukrainës goditën dhe shkatërruan postbllokun komandues të ushtrisë ruse në drejtim të Kievit.

Kështu, sipas mediave të huaja, përcjell Telegrafi, ka thënë komandanti i Përgjithshëm i Forcave të Armatosura të Ukrainës, Valeriy Zaluzhny.

“Pak minuta më parë, një post komandë e armikut në drejtim të Kievit u shkatërrua. Forcat tona Ajrore janë duke punuar!”, ka shkruar ai.

Përveç kësaj, ai ka publikuar edhe pamjet e goditjes shkatërrimtare.

Ndërkohë media të ndryshme raportojnë se një aksion i tillë është kryer nga dronët e avancuar turq, Bayraktar TB2. /Telegrafi/