Forcat izraelite kanë bllokuar qarkullimin e ambulancave në Bregun Perëndimor, ka pretenduar “Gjysmëhëna e Kuqe” e Palestinës.
Përmes një video të publikuar në platformën X, organizata ka njoftuar se trupat izraelite kanë penguar lëvizjen e shërbimeve të emergjencës gjatë një sulmi pranë qytetit Tubas.
Ajo pretendon se ka “një numër të lartë të të plagosurve” në zonë, raporton skynews.
🚨 Israeli occupation forces obstructing PRCS ambulances during a raid today in Al-fara camp near Tubas, where there are a number of casualties.#Westbank #NotATarget #IHL pic.twitter.com/g2epIKY8Lk
— PRCS (@PalestineRCS) December 8, 2023
Kjo ndodh pasi ministria e Shëndetësisë palestineze raportoi se pesë persona janë vrarë nga forcat izraelite gjatë një sulmi pranë Tubas.
Nuk është e qartë nëse të dy deklaratat referohen në të njëjtën ngjarje.
Ka pasur rritje të dhunës në Rripin Perëndimor paralelisht me luftën mes Izraelit dhe Hamasit në Gazë. /Telegrafi/