Në këtë periudhë të vetë-izolimit, një projekt të ri muzikor pritet ta sjellë edhe reperi i njohur i skenës shqiptare, Capital T.
Ai përmes një postimi të ndarë me ndjekësit në Instagram bën të ditur se ka gati këngën e re të titulluar “Flex”.
Projekti, i cili është pjesë e albumit “Skulpturë”, do të prezantohet para publikut të shtunën në orën 17:00.
“Flex zyrtarisht publikohet të shtunën në ora 17:00. Shpresoj që ka me ju pëlqy e sado pak me ua ndreq disponimin në këto ditë karantine”, ka shkruar krahas postimit Capital T.
Ndërkohë, të shumta kanë qenë reagimet e fansave të cilët duket se mezi po presin për këtë këngë të reperit shqiptar.
“600 PS” përndryshe mbetet kënga e fundit e lansuar nga Kapo në fillim të këtij viti, e cila ka kaluar shifrën e tetë milionë klikimeve në YouTube. /Telegrafi/
