Kandidati i përbashkët mes dy partive në pushtet LSDM dhe BDI, Stevo Pendarovski nëpërmjet një statusi në rrjetin social “Facebook” shkruan se është nder të jesh i mbështetur nga përfaqësues të të gjitha bashkësive etnike dhe nga qytetarë që aspak s’janë anëtarë të partive politike.
“Dua të falënderoj koalicionin politik, të udhëhequr nga LSDM dhe personalisht kryeministrin Zaev, që bënë lëvizje të pashembullt politike, pas pesë viteve të më japin mundësi përsëri të hyj në garën për kryetar shteti”, shkruan Pendarovski, njofton Telegrafi Maqedoni.
Të nderuar qytetarë, shton Pendarovski, dje më keni dhënë një përgjegjësi të madhe politike, që në muajt dhe vitet që vijnë, synoj së bashku me gjithë ju, ta arsyetoj në mënyrë të plotë, në interes të jetesës më të mirë dhe më të lumtur për të gjithë në vendin tonë./Telegrafi/
