Reperja nga Prizreni, Tayna, u përfshi gjatë mbrëmjes të së martës në një aksident rrugor.
Aksidenti duket të ketë qenë i lehtë dhe pa lëndime, teksa një gjë të tillë për Telegrafin e ka konfirmuar edhe menaxheri i saj, Rinor Hykolli.
“Ka qenë një aksident i vogël, personi tjetër që e ka goditur me veturë ka qenë në faj, kështu që gjithçka përfundoi pa lëndime”, ka thënë Hykolli për Telegrafin.
Tutje, ai ka treguar se gjendja e rep-artistes është e mirë dhe nuk është dashur asnjë intervenim mjekësor.
“Gjendja e Taynës është e mirë, pasi aksidenti nuk shkaktoi lëndime”, ka përfunduar ai. /Telegrafi/