Inter Miami ka konfirmuar ardhjen e Lionel Messit, i cili është prezantuar me fanellën e klubit të ri.
Lionel Messi do të mbajë numrin e tij 10 në Inter Miami, pasi klubi i MLS konfirmoi mbërritjen e tij në Florida të shtunën ku publikoi një video në të cilën superylli argjentinas shihet me fanellën e klubit.
36-vjeçari thuhet se nënshkroi një marrëveshje dyvjeçare e gjysmë me klubin e MLS, ndërsa ka thënë se është i lumtur që gjendet në SHBA dhe mezi pret aventurën e re.
BIENVENIDO 1️⃣0️⃣ pic.twitter.com/df1TJQQoYv
— Inter Miami CF (@InterMiamiCF) July 15, 2023
“Jam shumë i emocionuar që filloj këtë hap tjetër në karrierën time me Inter Miami dhe në Shtetet e Bashkuara”
“Kjo është një mundësi fantastike dhe së bashku do të vazhdojmë të ndërtojmë këtë projekt të bukur”.
“Ideja është të punojmë së bashku për të arritur objektivat që kemi vendosur dhe unë jam shumë i etur të filloj të ndihmoj këtu në shtëpinë time të re”, ka thënë Lionel Messi.
Messi do të debutojë për Inter Miamin më 21 korrik ndaj Cruz Azul./Telegrafi/