Roberto Firmino të martën është kthyer në stërvitje me Liverpoolin në prag të ndeshjes kundër Barcelonës në Ligën e Kampionëve.
Futbollisti brazilian mungoi në ndeshjen kundër Huddersfieldin si pasojë e lëndimit në nyje, ndërsa ishte spekuluar se lëndimi ishte shumë serioz dhe se ai mund të mos paraqitej më gjatë këtij sezoni.
Mirëpo, ai është parë në seancën stërvitore në Melwood dhe pritet të jetë në dispozicion të Jurgen Kloppit të mërkurën mbrëma.
Në një prononcim për BBC, trajneri i Redsave i kishte përgënjeshtruar pohimet për mungesën afatgjate të lojtarit.
Kështu që, ai do të shpresojë që Firmino të jetë i gatshëm për ndeshjen e të mërkurës kundër Barcelonës. /Telegrafi/