Vdekja e Davide Astorit ka tronditur klubin e Fiorentinës por edhe gjithë futbollin italian.
Kapiteni i Fiorentinës kishte gjetur vdekjen më 4 mars të vitit 2018 në një dhomë hoteli ditën e ndeshjes mes Udineses dhe Fiorentinës.
Ish-reprezentuesi italian kishte pasur një sulm në zemër dhe në atë moment nuk kishte mundur të lajmëronte askënd nga skuadra.
Astori ishte i vetëm në dhomë dhe pasi nuk ishte paraqitur në mëngjesin e përbashkët me pjesën tjetër të ekipit, shokët e skuadrës dhe trajnerët kishin shkuar tek dhoma e tij duke e gjetur të vdekur.
Më 4 mars është përvjetori i vdekjes së tij dhe në atë ditë Fiorentina do të ndeshet me Atalantën.
Por klubi vjollcë i ka bërë të qartë Federatës së Futbollit të Italisë që nuk do të zbres në fushë në atë datë.
Tani komisioni i garave në FIGC është duke diskutuar me dy skuadra tjera që ndeshja Atalanta – Fiorentina të zhvillohet më 3 mars, ndërsa një ndeshje tjetër të luhet më 4 mars.
Kujtojmë që Fiorentina ka vendosur që qendrën stërvitore ta emërojë Davide Astori. /Telegrafi/