Pasi e transferoi Franck Ribery, Fiorentina po mendon që t’i bëjë edhe disa transferime deri në fund të afatit kalimtar.
Skuadra italiane po mendon që ta transferojë mesfushorin e Manchester United, Fred, pasi nuk është në planet e skuadrës.
Mesfushori u transferua nga Shakhtar Donetsk në verën e kaluar, mirëpo nuk ka arritur ta tregojë vetën në Old Trafford.
Sipas asaj që raporton La Nazione, klubi nga Serie A ka filluar kontaktet e para me Djajtë e Kuq për transferimin e 26-vjeçarit.
Fred mund të largohet nga Unitedi në këtë afat kalimtar, duke parë hapësirën e vogël që ka në skuadër.
Fiorentina është e gatshme që t’i paguajë 30 milionë euro plus pesë milion bonuse, varësisht nga paraqitjet e tij në këtë sezon që sapo ka filluar. /Telegrafi/