Chelsea dhe Palmeiras kanë barazuar në kohën e rregullt 1-1 në kuadër të finales së Kupës së Botës për klube të organizuar nga FIFA.
Finalja në pjesën e parë nuk solli pothuajse asgjë, pasi dy skuadrat nuk kishin asnjë rast për ta përmendur.
Mason Mount nuk mundi ta vazhdojë ndeshjen, pas një lëndimi, ndërsa në vend të tij u fut Christian Pulisic.
Pjesa e dytë ishte më atraktive, pasi dy skuadrat filluan të kërkonin më shumë golin.
Chelsea kaloi në epërsi në minutën e 55-të, kur Callum Hudson-Odoi asistoi te Romelu Lukaku i cili shënoi për 1-0.
🗣️𝐆⚽𝐋 𝐃𝐄 𝐂𝐇𝐄𝐋𝐒𝐄𝐀‼️
👤 Lukaku
⏱️ 55'
🏴 Chelsea 1️⃣🆚0️⃣ Palmeiras 🇧🇷#ClubWorldCupfinal 🏆pic.twitter.com/bLXPBNGaJk— El Forastero (@ElForadeportivo) February 12, 2022
Pas dy minutash Chelsea ka mundur të shtojë epërsinë, por goditja e Pulisic, nuk ishte e saktë.
Në minutën e 62-të, njëri nga mbrojtësit londinez luajti me dorë në zonë dhe pas rishikimit në VAR, u vendos për penallti në të mirë të Palmeiras..
Raphael Veiga ishte i saktë nga pika e bardhë duke e mposhtur Edouard Mendyn për 1-1.
🗣️𝐆⚽𝐋 𝐃𝐄 𝐏𝐀𝐋𝐌𝐄𝐈𝐑𝐀𝐒‼️
👤 Raphael Veiga (P)
⏱️ 64'
🏴 Chelsea 1️⃣🆚1️⃣ Palmeiras 🇧🇷#ClubWorldCupfinal 🏆pic.twitter.com/KQjtFUuW4M— El Forastero (@ElForadeportivo) February 12, 2022
Chelsea ka mundur ta kthejë epërsinë në minutën e 73-të, por sërish Pulisic nuk arriti të shënojë nga një pozicion i mirë.
Deri në fund gola më nuk kishte dhe skuadrat do ta provojnë fatin në vazhdime. /Telegrafi/