Këngëtarja e njohur shqiptare, Filloreta Raçi – Fifi, e ka sfiduar veten sivjet duke marrë pjesë në spektaklin e kërcimit, “Dancing With The Stars”.
Ajo është duke kërcyer në partneritet me mikun e saj të ngushtë, balerinin Graciani Tagani.
Në natën e dytë, ata ishin përcaktuar të kërcenin një vals kontemporan, ku si këngë shoqëruese kishin zgjedhur këngën e vet Fifit.
Bëhet fjalë për baladën “Marova”, me të cilën ajo kishte zënë vendin e dytë në festivalin “Kënga Magjike 2019”.
Fifi është përkushtuar shumë në spektaklin e kërcimit, ku në vetëm një javë ka humbur gjashtë kilogramë dhe këtë e bëri të ditur balerini i saj.
“Nga java në javë ti je më e lehtë dhe kjo është për t’u vlerësuar”, ishte komenti që i dha anëtarja e jurisë, Olta Gixhari, duke treguar se humbja në peshë e këngëtares ka filluar të bie në sy. /Telegrafi/
