Këngëtarja e njohur nga Ferizaj, Filloreta Raçi – Fifi, vetëm pak ditë më parë paralajmëroi projektin e ri muzikor.
Ajo njoftoi fansat se do të sjell në versionin ‘remake’ këngën “A po vjen me mu”, ndërsa projektin e ka punuar në studion e producentit Shkumbin Nebihu.
Derisa kënga do të lansohet së shpejti, 26-vjeçarja u ka prezantuar fansave disa pamje nga videoklipi i saj i ri.
Për klipin e ri, artistja ka zgjedhur një veshje me elemente tradicionale që i shkon mjaft shumë asaj.
“Unë kam fuqinë të krijoj jetën që dëshiroj”, ka qenë përshkrimi krahas njërit prej postimeve që ka ndarë me 362 mijë ndjekësit e saj.
Fifi vetëm pak ditë më parë solli në versionin e saj këngën “Tradhtare” të Ramadan Krasniqit – Dani.
Ndërkaq, “Lezet” mban titullin kënga e fundit profesionale e Raçit në bashkëpunim me artisten e mirënjohur Remzie Osmani. /Telegrafi/
