Këngëtarja e njohur, Fifi mbrëmë (e premte) ka performuar në spektaklin e Big Brother VIp Kosova.
Artistja nga Ferizaj përveç që këndoi hitet e saj “Hana” në studio ajo gjithashtu hyri për pak minuta në shtëpinë e famshme.
Filloreta Raçi (emri i plot) ngacmoi banorët me disa provokime ndërsa ata ishin të dënuar nga ‘Vëllai i Madh’ me vendimin për t’u ngrirë duke mos patur mundësinë të përshëndesin këngëtaren.
Më vonë Fifi pati mundësinë të përshëndetej me ta dhe të performonte gjithashtu bashkëpunimin me reperin Blasta, ky i fundi u bë pjesë e BBVK si banori më i ri.
Kujtojmë që Fifi vitin e kaluar ishte pjesë e Big Brother VIP Albania dhe një prej banoreve më të komentuara, por që u tërhoq nga gara pasi u shpreh se kishte nevojë të merrej më shumë me veten.
Ndërkohë, theksojmë që shtëpisë së BB VIP Kosova mbrëmë iu bashkuan edhe tre banorë të tjerë, Atdhe Xharavina, Bruno Pollogati dhe Himena Sherifi.
Ndërsa, banori i eliminuar ishte basketbollisti Fis Juniku, I cili ishte bërë pjesë e këtij formati vetëm pak javë më parë. /Telegrafi/