FIFA ka konfirmuar se ka marrë vendim që të hap një afat kalimtar të pazakontë të transferimeve në Rusi për lojtarët e huaj.
Kjo është bërë për shkak se Rusia po vazhdon pushtimin e Ukrainës dhe lojtarët e huaj që kanë mbetur atje, por edhe që janë larguar të kenë mundësi të gjejnë skuadër të re.
Shtëpia e futbollit botëror ka konfirmuar se lojtarët e huaj në Ligën Ruse kanë të drejtë të pezullojnë në mënyrë të njëanshme kontratat e tyre të punës deri më 30 qershor 2022.
Kontratat për lojtarët e huaj në Superligën e Ukrainës gjithashtu janë pezulluar automatikisht.
Lojtarët do të kenë mundësinë që të gjejnë skuadër të re deri më 7 prill dhe më pas të shkëpusin kontratën me klubet ruse.
Ata do të kenë kështu “të drejtën për të prishur në mënyrë të njëanshme kontratën e punës” deri më 30 qershor 2022 dhe do të jenë në gjendje të angazhohen në një tjetër kampionat “deri më 7 prill”, edhe jashtë periudhave të transferimit.
FIFA adopts temporary employment and registration rules to address several issues in relation to war in Ukraine
▶️ https://t.co/odNLmadIcs pic.twitter.com/SvLubX3Z5c
— FIFA Media (@fifamedia) March 7, 2022
Lojtarët dhe trajnerët e huaj në Ukrainë do të përfitojnë nga e njëjta dispozitë, për t’i lejuar ata të “punojnë dhe të marrin një pagë”, ndërsa “mbrojnë klubet ukrainase” të ndalura nga përleshjet.
Së fundi, lojtarët e vegjël që largohen nga Ukraina do të trajtohen nga FIFA, si të mitur refugjatë, duke hyrë kështu në tregun ndërkombëtar normalisht të mbyllur për fëmijët nën 18 vjeç.
FIFA, e cila ka pezulluar Rusinë nga Kupa e Botës 2022, edhe pse ndaj saj rrezikon një apel në CAS kundër këtij vendimi, “përsëriti qëndrimin e saj pas përdorimit të forcës nga Rusia në Ukrainë”, duke bërë thirrje për “një ndërprerje të shpejtë të armiqësive”. /Telegrafi/