Federata e Futbollit e Kosovës (FFK) ka publikuar orarin dhe gjyqtarët e ndeshjeve të javës së 23-të në Ipko Superligën e Kosovës.
Superliga e Kosovës do të rifillojë pas gati tre muajve pezullim shkaku i krizës së shkaktuar nga pandemia e coronavirusit.
E premtja pritet e 5 qershorit pritet të jetë data e rifillimit të Superligës së Kosovës dhe FFK tashmë ka publikuar orarin dhe gjyqtarët e javës së 23-të.
Ndeshja e vetme në këtë ditë është ajo në mes të Llapit dhe Dukagjinit, e cila zhvillohet në Podujevë dhe drejtohet nga treshja e gjyqtarëve: Genc Nuza, Bujar Selimaj dhe Fatlum Berisha.
Të shtunën zhvillohen dy ndeshje, ku Feronikeli pret Vushtrrinë, ndërsa Drita është nikoqire e Flamurtarit.
Në ditën e diel luhen edhe tri ndeshjet tjera, Gjilani-Trepça ’89, Ballkani-Drenica dhe Prishtina-Ferizaj.
Të gjitha ndeshjet fillojnë nga ora 16:00, përveç ndeshjes në mes të Prishtinës dhe Ferizajt, e cila zhvillohet nga ora 18:00 në stadiumin “Fadil Vokrri”.
Më poshtë keni oraret dhe gjyqtarët e javës së 23-të:
/Telegrafi/