Reperi i popullarizuar i skenës shqiptare, Lyrical Son, feston sot (e enjte) ditëlindjen e 37-të.
Festim Arifi (emri i vërtetë) ka arritur të shndërrohet në një nga artistët më të pëlqyer të skenës shqiptare falë projekteve dhe krijimeve që ka bërë deri më tani.
Në këtë ditë speciale, urimet dhe dedikimet nuk munguan as nga miqtë e ndjekësit që numëron në rrjete sociale.
Një të tillë e ka bërë edhe bashkëshortja e tij, Gresa Krasniqi, me të cilën është e martuar prej shumë vitesh.
Ajo ka zgjedhur disa momente të tyre të përbashkëta, ndërsa po ashtu ka përzgjedhur fjalët më të bukura për të përshkruar reperin e njohur.
“Në këtë ditë kishte lindur një legjendë”, ka shkruar ajo në njërin nga postimet që ka hedhur në InstaStory.
“Dritë, shpirt, tu gëzoftë zemra gjithë jetën, ashtu siç na gëzon neve ti çdo ditë. Të duam mistifo”, shtoi ajo në tjetrin postim.
Lyrical Son dhe Gresa ndryshe kanë së bashku dy vajza. /Telegrafi/