Site icon Telegrafi

Fatkeqësia në Evropën Perëndimore: Të paktën 150 të vdekur, mbi 1000 të zhdukur

Nol Elshani

Gjermania dhe Belgjika janë ende duke luftuar me përmbytjet katastrofike që morën 150 jetë njerëzish, dhe fati i rreth 1000 njerëzve ende nuk po dihet.

Presidenti gjerman Frank-Walter Steinmeier tha se ai ishte “shtangur” nga shkatërrimi që shkaktoi stuhinë.

Vetëm në një shtëpi pleqsh, 12 persona humbën jetën. Hidrologia Hana Kloke tha se katastrofa ishte një “dështim i sistemit epokal”, pasi paralajmërimi i përmbytjes u lëshua në kohë. Ekspertët tani paralajmërojnë se katastrofa si kjo janë pasojë e ndryshimit të klimës, raporton france24.

Autoritetet në rrethin e Rhine-Zig, në jug të Kolnit, kanë urdhëruar evakuimin e një fshati pranë rezervuarit Steinbach për shkak të rrezikut të shpërthimit të një dige. Gjithsej 4,500 njerëz u evakuuan. Ende nuk dihet se kur do të jenë në gjendje të kthehen në shtëpitë e tyre.

Inxhinierët dhe zjarrfikësit natën e kaluar nxorrën ujë nga liqeni dhe kështu ulën nivelin e ujit me rreth 2 centimetra.

“Situata është tani e qëndrueshme, por jo jo kritike”, thanë autoritetet lokale.

Banorëve që jetojnë përgjatë lumit Wupper u është thënë të largohen menjëherë nga zona.

Mijëra njerëz u larguan nga shtëpitë e tyre në jug të Hollandës pasi uji shpërtheu në argjinaturat, raporton reuters.

Kryeministri holandez, Mark Rutte shpalli një katastrofë kombëtare në provincën jugore të Limburg, e cila ndodhet midis zonave të përmbytura në Gjermaninë Perëndimore dhe Belgjikën.

“Ka një vrimë të madhe në argjinaturë… Lëreni menjëherë shtëpinë tuaj dhe shkoni në siguri,” njoftuan shërbimet e urgjencës në Mersen. Familjeve iu tha që të fiknin energjinë elektrike dhe gazin.

Ushtria më vonë arriti të forconte argjinaturën afër Mersen, por urdhri i evakuimit mbeti në fuqi. /Telegrafi/

Exit mobile version