Faqja zyrtare e UEFA-s në Twitter ia ka uruar ditëlindjen sulmuesit Arbër Zeneli me anë të një video nga het-triku i tij i paharrueshëm për Kosovën kundër Azerbajxhanit në edicionin e parë të Ligës së Kombeve.
Sulmuesi i Përfaqësueses së Kosovës dhe klubit francez Reims mbush sot (e enjte) 26 vjet.
Në ditëlindjen e tij, Zeneli ka pranuar shumë mesazhe nga njerëzit e dashur dhe tifozët e Kosovës dhe Reims.
Megjithatë, ylli i Kosovës ka pranuar edhe një urim të veçantë nga faqja zyrtare e UEFA-s në Twitter.
Faqja e UEFA-s është përkujdesur t’ia urojë Zenelit ditëlindjen me një video nga het-triku i paharruar ndaj Azerbejxhanit në fitoren 4-0 të Kosovës në Ligën e Kombeve.
“Urime ditëlindjen, Arbër”, shkruan në përshkrimin e videos së postuar nga faqja e UEFA-s në gjuhen gjermane.
Ndryshe, Zeneli ka debutuar me Kosovën në vitin 2016 dhe që nga ajo kohë ka zhvilluar 22 ndeshje, duke shënuar shtatë gola. /Telegrafi/
2⃣6⃣ – Happy Birthday, Arbër #Zeneli 🎂🎉🎁⚽️🇽🇰#NationsLeague | @kosovanfooty_EN pic.twitter.com/9RwfZZo28v
— UEFA.com DE (@UEFAcom_de) February 25, 2021