Fansat para Brit Awards, i krijojnë edhe një ’emoji’ Dua Lipës (Video)

Kanë mbetur edhe disa orë para fillimit të ceremonisë së ndarjes së çmimeve Brit Awards.

Shqiptarët si kurrë më parë kanë arsye për të ndjekur për së afërmi ngjarjen kryesore muzikore të Britanisë së Madhe.

E gjithë kjo në saje të dy këngëtareve shqiptare, Rita Orës dhe Dua Lipës, të cilat do t’i shohim sonte rreth orës 23:00, sipas kohës sonë lokale.

Gjersa Rita do të shfaqet me disa këngë në këtë ngjarje, Dua është nominuar në pesë kategori të ndryshme, e cila do të jetë në qendër të vëmendjes së mediave botërore.

Gjithashtu edhe fansat kanë shprehur përkrahjen për bukuroshen tonë, ku tashmë i kanë krijuar edhe një “emoji” për rrjetin sociale Facebook.

Lexo po ashtu Rita Ora: Përgatituni sonte për një shfaqje fantastike në Brit Awards

Theksojmë se këngëtarja shqiptare është nominuar në kategoritë “Brit Award for British Single”, ” MasterCard British Album of the Year”, ” British Video Award”, ” British Breakthrough Act” dhe ” Brit Award for British Female Solo Artist”.

Ndryshe, bukuroshja jonë tashmë ka filluar punën në projekte të reja muzikore, ndërsa hiti “New Rules”, tashmë ka arritur edhe një miliard shikime në YouTube. /Telegrafi/