Fansat e familjes mbretërore kanë mbetur të mahnitur nga një gjest romantik që Princi Harry bëri ndaj bashkëshortes së tij, Meghan Markleit ndërsa ishte në një shëtitje me Princin William dhe Princeshën Kate.
William dhe Harry dhe bashkëshortet Kate dhe Meghan u ribashkuan në homazhe ndaj Mbretëreshës në Kështjellën Windsor Elizabeth II dje (e shtunë).
Të katër më pas takuan turma që qëndronin jashtë pallatit mbretëror, duke folur me ta dhe duke mbledhur lule prej tyre, shkruan The Sun.
Dukesha e Sussex-it u pa duke vënë një krah ngushëllues rreth Harry-t teksa shikonin homazhet për Mbretëreshën.
Dhe Meghan gjithashtu mbajti dorën e tij ndërsa dolën nga makina në Kështjellën Windsor për të përshëndetur turmat e njerëzve.
Por fansat me sy shqiponjë vunë re një gjë në veçanti që Princi Harry bëri për të treguar vlerësimin për gruan e tij.
Ndërsa katër anëtarët e familjes mbretërore përfunduan shëtitjen e tyre dhe u nisën për t’u larguar, Duka i Sussex-it u kthye me nxitim për të hapur derën e makinës për gruan e tij.
Fansat e shumtë nxituan në rrjetet sociale për të lavdëruar princin pasi panë momentin e ëmbël.
#PrinceHarry always protecting his precious better half #MeghanMarkle ❤️
A prince through and through ?? pic.twitter.com/RVfugNhdPm
— Murielle de Brazen-Hussy ?? ?? (@Mu_Ri_Elle) September 10, 2022
Vëllezërit mezi kishin folur për 2 vjet e gjysmë pasi Harry dhe Meghan u larguan për në SHBA.
Dhe ishte hera e parë që çiftet janë parë në publik si katërshe që nga Dita e Commonwealth në Mars 2020.
Një burim i lartë i Pallatit tha: “Princi i Uellsit ftoi Dukën dhe Dukeshën e Sussex që t’i bashkoheshin atij dhe Princeshës së Uellsit më herët.
“Princi i Uellsit mendoi se ishte një shfaqje e rëndësishme uniteti për Mbretëreshën në një kohë tepër të vështirë për familjen”, tha ky burim. /Telegrafi/
