Evertoni ka bërë të ditur se ata nuk janë të interesuar në transferimin e Gianluigi Donnarummas nga Milani.
Në javën e kaluar mediat në Itali raportuan se Toffes po tentojnë transferimin e portierit italian, mirëpo kjo gjë nuk doli të ishte e vertët.
Liverpool Echo raporton se Carlo Ancelotti nuk është i interesuar në transferimin e Donnarummas, pasi në portën e tyre është Jordan Pickford.
Trajneri i Evertonit është i kënaqur me anglezin dhe dëshiron të vazhdojë me besimin ndaj tij.
Në anën tjetër, Donnarumma ka vetëm edhe 18 muaj kontratë me Rossonerët, derisa këta të fundit e duan shitjen e tij.
Chelsea është tejet e interesuar në italianin, pasi Frank Lampard është i zhgënjyer nga Kepa Arrizabalaga. /Telegrafi/