Evertoni thuhet se është në pozitë ideale që ta transferojë James Rodriguezin nga Real Madridi.
Carlo Ancelotti ka raporte të mira me kolumbianin dhe dëshiron ta transferojë te skuadra angleze në afatin kalimtar të janarit.
El Desmarque raporton se Real Madridi është i gatshëm që ta shesë Jamesin në muajin e ardhshëm, por kërkon 50 milionë euro për kartonin e tij.
Në garë për transferimin e kolumbianit janë edhe klube si, Arsenali, Interi, Roma dhe Marseille.
Ish-lojtari i Portos dhe Monacos nuk po luan standard te Los Blancos dhe largimi i tij është i pashmangshëm.
Ancelotti dhe James punuan së bashku edhe te Bayern Munichu, derisa italiani e kishte transferuar dy herë atë. /Telegrafi/