Christian Eriksen duket se do të qëndrojë te Tottenham Hotspuri deri në afatin kalimtar të janarit, pasi transferimi i tij për në Spanjë nuk u materializua në këtë verë.
Mesfushori danez thuhet se ka pranuar përsëri kontratën e re nga Spurs, mirëpo ka refuzuar që të vendos lapsin në letër, derisa ka hyrë në muajt e fundit të kontratës aktuale.
Eriksen thuhet se nuk do ta pranojë asnjë ofertë nga skuadra angleze, pasi e dëshiron me ngulm kalimin te Real Madridi ose Barcelona.
Sipas Daily Mail, Tottenhami i ka ofruar 27-vjeçarit një pagë prej 250 mijë euro në javë, e që do ta bënte atë lojtarin e dytë më të paguar në skuadër, pas Harry Kanes.
Mesfushori e ka bërë të qartë se nuk ka të bëjë asgjë me para, por që dëshiron të fitojë tituj të mëdhenj në karrierë, pasi nuk i kanë mbetur edhe shumë vite që të luajë në nivele të larta.
Mauricio pochettino ka thënë se dëshiron që Eriksen të qëndrojë së bashku edhe për një sezon me ta, mirëpo do ta respektojë vendimin e tij. /Telegrafi/