Christian Eriksen ende nuk është i bindur për të vazhduar kontratën e tij me klubin anglez, Tottenham Hotspur.
Kontrata e mesfushorit danez do të përfundojë në fund të sezonit të ardhshëm, pra në verën e vitit 2020.
Megjithatë, ende nuk ka indikacione për rinovimin e kontratës së 26-vjeçarit.
Sipas Daily Mail, ylli i Tottenhamit ka qenë i rezervuar dhe ende mbetet i tillë për të nënshkruar një kontratë të re me klubin londinez.
Kjo situatë , duke thuhet se ka inkurajuar Real Madridin dhe Barcelonën, të cilët po e vështrojnë me kujdes situatën e mesfushorit.
Spurs thuhet se kanë gati më shumë se dyfishin e pagës së tij aktuale prej 70 mijë funtesh në javë, por as kjo nuk po e bind Eriksenin.
Eriksen ende nuk është dakord me kushtet, gjë që ka inkurajuar gjigantët spanjollë, të cilët mund të ofrojnë shumë më tepër se paga e Tottenhamit.
Por, transferimi i tij nuk do të jetë i lehtë pasi dihet se klubi londinez e vlerëson lart danezin. /Telegrafi/