Fuka, karakteri i veçantë i Stupcave, solli një befasi për fansat e tij këtë javë.
Kah mesi i javës, Vedati përmes karakterit të Fukës njoftoi për një befasi që do ta bëjë të dielën. Dhe si gjithmonë, Stupcat e mbajtën fjalën.
Sonte, Fuka, me një video të shkurtër e lajmëroi episodin e ri 15 minuta më herët dhe si duket askush në GjirafaVideo nuk e pengoi që ta bëjë atë.
Gjatë javës ne pamë edhe aktorët e tjerë, Mensurin e Osmanin, të cilët nuk e dinin se për çfarë po bëhet fjalë, prandaj siç duket Vedati e kishte projektuar i vetëm këtë befasi.
Në këtë episod, ju mund ta shihni vazhdimin e serialit “Egjeli”, tashmë të kthyer në formatin e kaluar komik, për dallim nga tri episodet e para të këtij sezoni, të cilat po shfaqën vetëm në GjirafaVideo. Në këtë episod shohim Axhën Sheqë që e humb kujtesën pas zgjimit nga gjendja e komës.
Axha Sheqë nuk mund të besojë që Gjyla është gruaja e tij, ndërsa Gjyla po e bën të pamundurën që ta shfrytëzojë këtë situatë, dhe ta kthejë këtë në favorin e saj, duke u shtirë si këngëtare e famshme para Sheqës. Kjo dhe shumë befasi të tjera ju presin në episodin e ri të “Egjeli”.
Shikoni episodin e ri të “Egjeli”, vetëm në http://stupcat.gjirafa.com/