Chelsea dhe Real Madrid do të luajnë ndeshjen e parë çerekfinale të Ligës së Kampionëve të mërkurën në orën 21:00 në “Santiago Bernabeu”.
Mesfushori i klubit londinez, Enzo Fernandez, apo lojtari më i shtrenjtë në historinë e Ligës Premier, ka folur për këtë përballje.
“Real Madridi është një klub i madh me një histori të pasur. Ata kanë lojtarë të jashtëzakonshëm, por ne besojmë në atë që do të bëjmë. Luka Modrić dhe Toni Kroos janë legjenda që kanë pushtuar gjithçka dhe janë frymëzim për të gjithë”, ka thënë fillimisht argjentinasi.
We're LIVE from the Santiago Bernabeu as Frank Lampard and Enzo Fernandez preview Real Madrid! #UCL https://t.co/JOFZ6PZDHd
— Chelsea FC (@ChelseaFC) April 11, 2023
Enzo foli edhe për ardhjen e Frank Lampard, trajnerit të përkohshëm që do të drejtojë Chelsean deri në fund të sezonit pas largimit të Graham Potter.
“Frank foli me lojtarët para ndeshjes. Ai tha të mbajmë kokën lart dhe të jemi të përqendruar”.
“Chelsea ka një histori të madhe. Ai na tregoi se si ishte në një periudhë të vështirë kur fitoi Ligën e Kampionëve me Chelsean në 2012”.
Matchday minus one mood! 😁#UCL pic.twitter.com/xvd6jfZFkg
— Chelsea FC (@ChelseaFC) April 11, 2023
“Ai na përfaqëson në mënyrën më të mirë dhe ne do të bëjmë gjithçka për ta përfaqësuar Chelsean në mënyrën më të mirë”, ka thënë Fernandez. /Telegrafi/