“Ëndrra juaj, dëshira jonë” – Tifozët e Newell’s Old Boys pushtojnë rrugët e Rosarios duke kërkuar rikthimin e Messit

“Ëndrra juaj, dëshira jonë”. Ky ishte slogani i spikatur në rrugët e Rosarios të enjten mbrëma ndërsa tifozët e Newell’s Old Boys bënë paradë si një presion për të bindur Lionel Messin të kthehej në klubin e tij të fëmijërisë.

Messi erdhi nëpër radhët e të rinjve të ekipit argjentinas përpara se të bashkohej me Barcelonën në vitin 2001 dhe të vazhdojë të fitojë një rekord prej gjashtë Topave të Artë mes çmimesh e trofesh të panumërta të tjera.

Megjithatë, pas gati dy dekadash në Camp Nou, 33-vjeçari tani ka dorëzuar një kërkesë për largim nga Barcelona, ndërsa ai duket se do të lëvizë nga klubi që nuk arriti të fitojë një trofe sezonin e kaluar.

Lexo po ashtu Messi i gatshëm të dalë publikisht dhe të flasë për zhgënjimet dhe dëshirën për t’u larguar nga Barcelona

Ndërsa Manchester City është favorit për të nënshkruar Messin nëse ai duhet të sigurojë një largim, Newell’s nuk ka hequr dorë nga shpresa e kthimit të yllit argjentinas.

Tifozët më besnikë të klubit të fëmijërisë së Messit kanë dalë në rrugë në një shfaqje mbështetjeje për rikthimin e sulmuesit në klubin nga qyteti i Rosarios.

Parada e tyre të enjten mbrëma në Rosario me flamuj kuq e zi dhe slogane të ndryshe kanë pushtuar rrjetet sociale.

Lexo po ashtu Tri raste kur Messi kishte caktuar largimin, por nuk ndodhi: A do të ketë një rast të katërt?

“Ëndrra juaj, dëshira jonë”, ishte slogani më i spikatur i tifozëve të cilët kërkonin rikthimin e Messit te Newell’s Old Boys.

Përveç Cityt dhe klubit argjentinas, interesim për transferimin e Messit kanë shprehur edhe Interi dhe Paris Saint-Germain. /Telegrafi/

https://twitter.com/SuhailKazmi7/status/1299249745181859840