Borussia Dortmundi thuhet se ka marrë një përgjigje pozitive nga Emre Can, por ende janë duke negociuar me Juventusin për çmimin e mesfushorit gjerman.
Alfredo Pedulla shkruan se gjermani i ka thënë ‘po’ Dortmundit në lidhje me një lëvizje në Signal Iduna Park, por verdhezinjtë janë ende duke diskutuar në lidhje me çmimin.
Gazetari i SportItalia shkruan gjithashtu se Can ka dhënë miratimin e tij për një transferim në klubin nga Bundesliga gjatë orëve të fundit dhe Dortmundi ka arritur në 20 milionë euro me ofertën e tyre për Zonjën e Vjetër.
Liderët e ligës italiane nuk janë të gatshëm të lejojnë largimin e ish-mesfushorit të Liverpoolit, përveç nëse BVB do të arrijë shumën e 25 milionë eurosh.
Nuk kanë mbetur shumë deri në mbyllje të afatit kalimtar dimëror, por gjithçka flet rreth një rikthimi të Can në Gjermani.
Kontrata e Emre Can në Allianz Stadium skadon në qershor të 2022 dhe ai ka luajtur 45 ndeshje që kur erdhi si transferim i lirë nga Liverpooli në vitin 2018. /Telegrafi/