Elita Ziberi ka sjellë versionin e saj të këngës “Menemadhe” të reperëve Lyrical Son, Ledri Vula dhe Mc Kresha.
Risjelljen e këtij projekti, këngëtarja e re e ka shoqëruar edhe me një video të bërë nga Darko Mitev.
Për aranzhimin e kësaj kënge është përkujdesur Arsim Stafai dhe ky projekt tanimë është publikuar në kanalin e Loja Media.
Elita, vajza e vokalistit të grupit “Elita 5”, Arif Ziberi, është duke e ndërtuar karrierën e saj si këngëtare, ndërsa i pëlqen të interpretojë edhe këngët e dikurshme të babait të saj.
Për më shumë ajo po vazhdon t’i realizojë versionet e saja të disa prej hiteve të viteve të fundit të artistëve te tjerë.
Kujtojmë që në vitin 2016 ishte edhe pjesë e spektaklit për talentë ‘The Voice of Turkey’. /Telegrafi/
