Paris Saint-Germain thuhet se ka refuzuar dy oferta të majme nga Barcelona dhe Real Madridi për yllin e tyre brazilian, Neymar.
Afati kalimtar i verës ka qenë i gjithi i mbushur me thashetheme dhe polemika rreth të ardhshme se yllit brazilian, Neymar, i cili do largimin nga PSG.
Megjithatë, largimi i tij dhe saga e një transferimi larg Parisit nuk ka përfunduar ende dhe deri në fund pritet të ketë zëra.
Në fillim dukej e sigurt që ai do të kthehej në ish-klubin e tij, Barcelona, para se gjigantët e tjerë spanjoll të Real Madridit të hidhnin kandidaturën e tyre.
Por, tani është konfirmuar nga eksperti spanjoll i futbollit, Guillem Balague, që kampionët francezë kanë refuzuar ofertat si nga Reali ashtu edhe nga Barcelona për ish-kapitenin brazilian.
Të dy ofertat thuhet se do pranoheshin me qejf nga shumica e klubeve evropiane, por jo edhe PSG.
Sipas ekspertit Balague, parisienët kanë refuzuar një ofertë nga Katalunia, e cila peshonte 100 milionë euro plus shërbimet e Philippe Coutinhos.
Përveç kësaj, ata e refuzuan edhe një ofertë të Realit që përfshinte James Rodriguezin dhe Gareth Balen plus para, duke kërkuar Vinicius Juniorin në marrëveshje.
PSG padyshim e vlerëson shumë lartë nënshkrimin e tyre rekord botëror dhe, me gjithë sjelljen e tij të dyshimtë, nuk do të lejojnë që ai të largohet për pak para. /Telegrafi/