Autoritetet ukrainase njoftuan sonte se ekspertët e saj janë “tashmë në Poloni” pas goditjes së raketës të së martës në një fshat lindor, i cili vrau dy dhe plagosi katër njerëz.
Ministri i Jashtëm ukrainas, Dymtro Kuleba foli sot me homologun polak, Zbigniew Rau dhe ata ranë dakord të “bashkëpunojnë në mënyrë konstruktive dhe të hapur” për këtë çështje.
Kuleba deklaroi se “ekspertët tanë janë tashmë në Poloni. Ne presim që ata të kenë qasje të shpejtë në vend bazuar në ligjin polak”.
I spoke to @RauZbigniew. Ukraine and Poland will cooperate constructively and openly on the incident caused by Russian missile terror against Ukraine. Our experts are already in Poland. We expect them to swiftly get access to the site in cooperation with Polish law enforcement.
— Dmytro Kuleba (@DmytroKuleba) November 17, 2022
Ukraina këmbënguli se goditja nuk ishte shkaktuar nga raketat e mbrojtjes ajrore ukrainase, që ishte shpjegimi “i mundshëm” i dhënë nga Polonia dhe NATO.
Theksojmë se SHBA-të dhe disa vende evropiane kanë thënë se ka mundësi që raketa të jetë ukrainase, e cila kishte për shënjestër një të Rusisë.
Ndryshe, Rusia ka nisur pushtimin e pajustifikueshëm të Ukrainës më 24 shkurt duke shkaktuar viktima ndër civilët dhe dëme material. /Telegrafi/