Rock këngëtarja Flaka Krelani këto ditë po prek finalizimin e albumit të saj të parë.
Një prej zërave më të fuqishëm të skenës sonë, ka treguar se albumi i saj i parë është në fazën e masterizimit.
Ajo në një bisedë për RTV Dukagjinin ka zbuluar se ky album do të përmbaj së paku 15-të këngë të reja dhe do të ketë rryma të ndryshme në të.
Emri i albumit është ‘Eksperiment’, por jo se këngëtarja ka bërë ndonjë ekperiment në të, por për shkak të prurjeve të shumta të zhanreve që do të përmbajë ky album.
Duhet thënë se i gjithë albumi është punuar nga vetë këngëtarja dhe vëllai i saj, Xhimi on the beat.
Ndryshe para lansimit të albumit këngëtarja do të sjell një këngë të plotësuar me videoklip që do të mbaj titullin ‘Relax’, këngë kjo e cila do të pasqyroj vitet ’90 si nga muzika, teksti poashtu edhe nga ana vizuale. /Telegrafi/