Fituesja e Big Brother VIP Albania 3, Egla Ceno, kishte bërë një deklaratë në këtë edicion sa ishte brenda shtëpisë.
Ajo e akuzoi Saimir Kodrën duke thënë se i kishte kërkuar favore seksuale për një vend pune.
I njëjti iu kundërpërgjigj duke mohuar një gjë të tillë dhe theksoi se për këtë shpifje do të shihen në gjykatë.
Në “Post Big Brother’, Egla është pyetur nga moderatori Ledion Liço nëse është thirrur për gjyq.
Egla tha se ende nuk është thirrur, por është gati dhe po konsultohet me avokaten e saj.
“Akoma nuk kam një thirrje për këtë, nëse do vijë, do jem gati. Jam duke u folur me avokaten aktualisht. Jam munduar të mos e shtyj atë urë aty brenda, mënyra se si u përdor për lojë, sinqerisht nuk më frikonte, por me jepte ankth”, u shpreh artistja.
“Gjëja më e rëndësishme, emocioni më i fortë te unë ka qenë mami në shtëpi, a po mendonte që do fusnin në burg. Më tha a do të fusin në burg, thash mos u shqetëso, kam njerëz që do më ndihmojnë, nuk është asgjë e rëndë”, vazhdoi ajo. /Telegrafi/
