La Liga do të bëhet një vend shumë më i varfër nëse, siç pritet, Lionel Messi largohet nga Barcelona këtë verë.
Messi ka dhuruar magji gjatë 16 viteve të tij në Spanjë dhe është një nga arsyet kryesore pse miliona tifozë të futbollit nga e gjithë bota janë mbledhur në Camp Nou që nga viti 2004.
Sulmuesi legjendar dëshiron të largohet nga Camp Nou pasi humbi besimin në projektin sportiv te Barça nën urdhrat e presidentit aktual, Josep Maria Bartomeu.
Manchester City është në pozicion të mirë për të nënshkruar me Messin, i cili tashmë ka folur me Pep Guardiola, por një marrëveshje nuk është ende afër.
Barcelona nuk dëshiron ta lejojë Messin të largohet, për arsye të kuptueshme, por mund të detyrohet të arrijë një kompromis nëse lojtari i tyre më i mirë ndonjëherë vendos përfundimisht të largohet.
Lajmi për largimin e gjashtë herë fituesit të Topit të Artë nga Barcelona ka tronditur edhe rivalët e urryer të Real Madridit.
Sipas faqes së njohur ESPN, lojtarët e Real Madridit shkëmbyen menjëherë mesazhe mes tyre në grupin e përbashkët në WhatsApp.
How Madrid players reacted to Messi bombshell; Pique, Alba & Busquets futures; Reguillon surprise at missing out to Chilwell; + más in this week's ESPN notebook @moillorens, @alexkirkland, @RodrigoFaez https://t.co/6NUjkmvTfD
— Samuel Marsden (@samuelmarsden) August 28, 2020
Lojtarët e Los Blancos thuhet se nuk kanë besuar se Messi kishte njoftuar zyrtarisht Barcelonën për dëshirën e tij për t’u larguar.
ESPN shton se skuadra e Realit edhe të mërkurën e kishin të vështirë të besonin se Messi do të ndiqte kërcënimin e tij për t’u larguar pas gati 20 vjetësh nga Camp Nou.
Çdo lojtar i skuadrës aktuale të Los Blancos u bashkuan me klubin mbretëror pasi Messi bëri debutimin e tij te Barcelona, duke përfshirë edhe kapitenin Sergio Ramos.
Kjo do të thotë se asnjë nga lojtarët e Zinedine Zidane nuk e ka provuar El Clasicon pa gjashtë herë fituesin e Topit të Artë.
Në fakt, vetë Zidane ishte në formacionin e Real Madrid kur Messi luajti El Clasicon e tij të parë.
Lojtarët aktualë të Realit janë të tronditur si nga mënyra, ashtu edhe nga koha e përpjekjes së Messit për të detyruar largimin e tij, pavarësisht humbjes së Barçës me rezultat 8-2 nga Bayern Munchen në Ligën e Kampionëve. /Telegrafi/