Artistja shqiptare me famë ndërkombëtare, Dua Lipa, i është gëzuar faktit se Vjosa Osmani është bërë presidente e Kosovës.
Ajo ka publikuar një postim në InstaStory, me anë të të cilit ka uruar Osmanin për postin e ri.
“Urime znj.Presidente. Sa e mrekullueshme të shohësh një grua në maje”, kanë qenë fjalët e 25 vjeçares.
Vjosa përndryshe është bërë presidente të shtunën (4 prill) pas raundit të tretë që ishte final për marrjen e pozitës më të lartë shtetërore.
E njëjta sot pritet të marrë detyrën e presidentes, megjithëse për shkak të situatës aktuale me COVID-19 nuk do të organizohet një ceremoni e inaugurimit të Presidentes së Republikës së Kosovës.
Sido që të jetë, do të organizohen një sërë aktivitetesh të tjera për ta shënuar pranimin e detyrës të cilat janë përshtatur me rrethanat pandemike. /Telegrafi/