Këngëtarja shqiptare me famë botërore, Dua Lipa, është një prej emrave më të ndjekur në rrjetet sociale.
Së fundmi, ajo u shpërblye edhe me dy çmime në “Global Awards”, për suksesin e këngës “Electricity”.
Ndërkohë sot (e premte) me rastin e 8 marsit, që ndryshe njihet si Dita Ndërkombëtare e Gruas, ka shfrytëzuar rrjetin social Instagram, për t’i bërë një urim të veçantë të gjitha femrave në mbarë botën.
“Për të shënuar # IWD2019 dhe 30 vjet @womankindworldwide, unë po u bëj thirrje qeverive të përmbushin angazhimet e tyre për të mbrojtur aktivistët e të drejtave të grave anembanë botës. Tani është koha për të qëndruar me lëvizjet e grave si kurrë më parë! Bëni thirrje për të gjitha gratë e pabesueshme anembanë botës dhe luftoni për ndryshim. Ju dua”, janë fjalët e këngëtares me prejardhje nga Kosova.
Veshur me një kostum në ngjyrat zi dhe vjollcë, Dua dukej mjaft atraktive dhe elegante në fotografinë, përmes së cilës bëri urimin e veçantë.
Lipa përndryshe po vazhdon të shijojë suksesin e këngës së saj më të fundit “Swan Song”, që njëherësh është edhe kolona zanore e filmit “Alita” Battle Angel”.
Në muajt në vazhdim, artistja shqiptare pritet të prezantojë për fansat projektin e ri muzikor. /Telegrafi/
