Site icon Telegrafi

Edhe Dua Lipa kujton Nexhmije Pagarushën

Dua Lipa (Foto: Frazer Harrison/Getty Images/Guliver)

Këtë të premte është ndarë nga jeta bilbili i muzikës shqipe, Nexhmije Pagarusha.

Ngushëllime për vdekjen e saj kanë shprehur emra të shumtë, duke nisur që nga krerët e lartë të shtetit e deri te emrat e njohur nga estrada.

Artistë të shumtë e kanë përjetuar rëndë lajmin e hidhur për ndarjen nga jeta të ikonës, e cila ka lënë prapa një karrierë të pasur me këngë të cilësisë së lartë artistike.

Lexo po ashtu Kush ishte Nexhmije Pagarusha - artistja shqiptare e emëruar "Bilbili i muzikës shqipe"

Një kujtim në nder të saj erdhi edhe nga artistja shqiptare me renome botërore, Dua Lipa.

Dua Lipa (Foto: Amy Sussman/Getty Images/Guliver)

Ajo publikoi një imazh bardhë e zi të Pagarushës shoqëruar me një emoji në formë zemre, duke lënë kështu nën dije respektin e madh që gëzonte për pasurinë kombëtare të artit shqiptar.

Foto: Dua Lipa/InstaStory

Dua përndryshe performoi së fundmi në festivalin më të madh italian dhe njëherësh më të vjetrin në Evropë, “Sanremo 2020”.

Lexo po ashtu Dua Lipa 'elektrizoi' skenën e "Sanremo 2020" në Itali

Lipa është përqendruar fortë në punën për albumin e saj të radhës, “Future Nostalgia”, i cili do të publikohet më datë 3 prill të këtij viti. /Telegrafi/

Dua Lipa në “Sanremo 2020” (Foto: Daniele Venturelli/Daniele Venturelli/Getty Images/Guliver)
Exit mobile version