Presidenti i Barcelonës, Joan Laporta, u ndal te situata e Ousmane Dembele, duke treguar për vështirësitë që po kalojnë në bisedime.
Sulmuesi anësor, ka edhe një vit kontratë me kampionët e Spanjës, ndërkohë që e do PSG me kërkesë të trajnerit Luis Enrique.
“Ai ka menaxherë të vështirë, nuk është e thjeshtë të negociosh me ta. Jemi në bisedime për rinovimin e kontratës, shpresojmë të zgjidhet sa më shpejt kjo çështje”.
“Por, unë jam i mendimit se do të zgjasë deri në fund arritje e akordit për nënshkrimin e kontratës së re. Xavi është i lumtur me Dembele, edhe unë jam. Ai është një futbollist që e duan të gjithë. Jam një fans i madh i tij”.
“Këtë e dinë edhe agjentët e francezit. Ky është shkaku pse po na bëjnë presion, por ne nuk do e humbasim logjikën. Duhet të ruash qetësinë në këto lloj operacionesh”, ka thënë Laporta.
26-vjeçari luan në “Camp Nou” prej vitit 2017 kur u transferua nga Borussia Dortmundi për 135 milionë euro. /Telegrafi/